शेतकर्‍याने बायोमास तयार करणे आणि त्या बायोमासपासून तयार झालेल्या उत्पादनाचा वापर करणे म्हणजेच शेती- इंधन – खत हे चक्र.  यात जैवइंधने आणि खते यांचा समावेश आहे.  “शेतीतून परत शेतीत”.  कमी कर्बवायू तयार होणे आणि शेतातला कूडाकचरा जाळण्यातून होणारे प्रदूषण टळणे या दोन मुद्द्यांचा विचार करता जैवइंधन पेट्रोलला असणार्‍या सर्वोत्तम पर्यायांमध्ये मोडते.  यातूनच परदेशातून आयात केलेल्या इंधनावर अवलंबून राहणे आपल्याला कमी करता येईल.  एकदा जैवऊर्जेची पुरवठासाखळी स्थिरस्थावर झाली की ग्रामीण व शहरी भागात व्यवसायाच्या अनेक संधी उदयाला येतील.   अस्तित्वातील व्यवसायांचा विस्तार अधिक रोजगारांच्या निर्मितीला कारणीभूत ठरेल. या नवीन संकल्पनेद्वारे आपल्या अर्थव्यवस्थेला विविध लाभ होतील.